ياسمين علي بعد احتراق غرفة نومها: احمدوا ربنا على كل لحظة أمان

0 3٬163

كشفت المطربة ياسمين علي، عن نشوب حريق أمس بسقف غرفة نومها نتيجة ماس كهربائي، إلى جانب تعرضها لحادث تصادم سيارتها بسيارة نقل خلال الأيام القليلة الماضية، وطالبت كل متابعيها بألا تخدعهم ضحكاتها لأنها تمر بأيام سيئة.

ونشرت ياسمين علي عبر صفحتها الرسمية على موقع الفيس بوك، صورة لسقف غرفتها، والذي يظهر به آثار الحريق، وعلقت عليها قائلة: ما بحبش الطاقة السلبية والله بس اعمل إيه طيب.. هاحكيلكم حاجة صغننة.. امبارح الساعه 2 بليل من العادة ببقى قاعدة مع بابا وماما ويحيى بنتفرج على التليفزيون.. قمت عشان أروح أوضتي أنام.

وتابعت: دخلت الأوضة قعدت دقيقة شامة ريحة بلاستيك محروق، ومش فاهمة الريحة جاية من فين.. فجأة بدون مقدمات وربنا عالم باللي هاقوله، لقيت السقف على وسعه مولع نار كله بمعنى الكلمة، وفجأة النار اتشفطت وبقت مختصرة فالشكل اللي انتوا شايفينه ده، وقفلنا الكهرباء ورشينا ميه، كل ده ف لحظات، أتاري الجار من فوق في مياه بتنزل من عنده على السقف عندنا فعملت ماس في الكهرباء، وحصلت النار اللي شوفتها دي.

وكشفت ياسمين عن عن تعرضها لحاث سيارة، وقالت: لو ماكنتش دخلت الأوضة في التوقيت اللي روحت فيه الله أعلم كان حصل إيه.. وقبلها بكام يوم كنا لسة عاملين حادثة بالعربية مع عربية نقل كبيرة.

ووجهت ياسمين علي رسالة للجمهور، قائلة: ما تنخدعوش بالضحك اللي بضحكه.. كل واحد له فيلم عايشه.. احمدوا ربنا على كل لحظة أمان انتوا عايشينها بدون ترويع وعدم ستر، وما تبصوش لحياة حد أبدا من برة.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected] - [email protected]

قد يعجبك ايضا