بشرى: مش أي مشهور يستحق لقب فنان

0 3٬468

تضامنت الفنانة بشرى، مع زميلتها الفنانة لقاء الخميسي، في دعوتها لرفض إهانة نجوم الفن والسخرية منهم عبر مواقع التواصل الاجتماعي، وطالبت الجميع بالتفرقة بين مشاهير السوشيال ميديا، وبين نجوم الفن.

وأعادت بشرى نشر مقطع فيديو لزميلتها لقاء الخميسي طالبت فيه جمهورها احترام آرائها، وعلقت قائلة: صح يا لقاء كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر، يعني بنمر بنفس اللي أي مواطن بيمر بيه من أزمات محناش كائنات كرتونية، الفنان نبض المجتمع مش الحيطة المايلة بتاعت المجتمع، الفنان الحقيقي طبعاً مش المدعي، ومش أي مشهور يستحق لقب فنان.

بشرى – الصورة من حسابها على انستغرام

ونشرت لقاء الخميسي مقطع فيديو للتنديد بحملات التجريح والإساءة الشخصية لنجوم الفن عبر صفحات مواقع التواصل الاجتماعي، وطلبت من جمهورها إبداء بعض الاحترام للمشاهير، والتوقف عن إهانة النجوم، وأكدت أن الفنان يواجه نفس المعاناة التي يواجهها المواطن العادي من أجل الصمود أمام صعوبات الحياة المالية والاجتماعية والنفسية.

لقاء الخميسي نشرت مقطع فيديو من خلال خاصية الاستوري عبر حسابها الشخصي بموقع إنستغرام، طالبت فيه جمهورها باحترام آرائها، وقالت: رجاء من كل الناس اللي بتتابع السوشيال ميديا.. اللي بيحب حد يدخل عنده ويقوله كلمتين حلوين أو يصمت.. مبتحبش متقولش ممكن نختلف في الآراء، لكن لازم نتعلم إزاي نحترم الاختلاف.

تابعت قائلة: يا ريت نبطل نهين بعض، ونرفض أفكار بعض كل واحد زي ما تربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك.

واختتمت رسالتها بقولها: الممثل عنده نفس التفاصيل اللي بتمر بيها، أزمات نفسية ومادية وعائلية ومشاكل ومنحبش نوريكوا مشاكلنا، احنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم.

وأكملت: إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حبونا شوية وأدونا هوا، وشوفونا بني آدمين طبيعيين، عندنا مشاكل وصدقوني مفيش حد في العالم معندوش مشاكل، كل واحد ربنا بيديله على قد قدراته، الرحمة حلوة يا جماعة.

استعمال المضامين بموجب بند 27 أ لقانون الحقوق الأدبية لسنة 2007، يرجى ارسال رسالة الى:
[email protected] - [email protected]

قد يعجبك ايضا