اخر الاخبار
تابعونا
اسعار العملات
جنيه مصري - 0.2053
ليرة لبناني 10 - 0.0213
دينار اردني - 4.5437
فرنك سويسري - 3.5196
كرون سويدي - 0.3725
راوند افريقي - 0.22
كرون نرويجي - 0.3705
كرون دينيماركي - 0.5109
دولار كندي - 2.5547
دولار استرالي - 2.3494
اليورو - 3.7991
ين ياباني 100 - 2.9325
جنيه استرليني - 4.4302
دولار امريكي - 3.222
استفتاء

شيرين رضا بالفيديو: أنا وعمرو دياب قادرون على الانفاق على ابنتنا.. ولن نفعل

علّقت النجمة شيرين رضا على الضجة المثارة حول ترك ابنتها الوحيدة نور في لندن تنفق على نفسها دون مساعدة منها أو من والدها عمرو دياب، مؤكدة إنها قادرة على دعم ابنتها وكذلك زوجها السابق عمرو ولكنهما لن يفعلا ذلك، لأن الهدف هو تربية ابنتهما نور على الاعتماد على نفسها، وأشارت إلى إنها قادرة على الدفاع عن ابنتها ضد المتنمرين.

اضافت شيرين رضا خلال لقائها ببرنامج "كلمة أخيرة" الذي تقدمه الإعلامية لميس الحديدي بقناة "ONE": احنا بالتأكيد قادرين نصرف على بنتنا، سواء أنا أو عمرو دياب لكن البنت لازم تعتمد على نفسها ولازم تعرف تشتغل وتجيب فلوس وتنفق على نفسها لأن هي دي الحياة.

وتابعت شيرين رضا: لازم نزرع جوا أطفالنا أنهم يشتغلوا ويحاربوا ويعتمدوا على نفسهم، وأنا اللى اشتغلت وعملت فلوسي وأبوها اشتغل وهو اللى عمل فلوسه، فلوسنا كلنا هتروح للعيال في الآخر لكن عمر ما حد هيعرف قيمة الفلوس إلا لما يتعبوا ويشتغلوا، وحاجة تفرحنا إنها تطلع وتقول إنها بتعتمد على نفسها ومحدش بيصرف عليها.

وشنت شيرين رضا، هجوما حادا تجاه المتنمرين على ابنتها نور عمرو دياب، وقالت: عايزة أقول للناس اللي بيقولوا لها شكلك وحش وعاملة كده ليه؟ هما شكلهم عامل إزاي، أنا أصلا أكبر متنمرة في الدنيا واللي هيتنمر على بنتي أنا ممكن أغسله وأشطفه وأرزعه في الأرض وهاكلهم لأني أم، فرجوني جمالكم وحلاوتكم وجسمكم ودرستوا فين واتعلمتو إيه وبتشتغلو إيه".

وتابعت شيرين رضا: قبل ما تتنمر على حد شوف إنك لازم تبقى أحسن منه، والسوشيال ميديا بقت مؤذية.

وردت شيرين رضا، على شائعات أكدت رفض خطوبة ابنتها بسبب موقفها الشخصي الرافض لفكرة الزواج قائلة: أن موقفها الرافض للزواج يخصها هي شخصيا بعد تجربتين، ولكن لا علاقة له بموقف ابنتها، فمن حقها أن تمر بتجربة الخطوبة، وأن تقرر بنفسها إذا كانت تريد استكمال المشوار وتتزوج، وليس من حق أحد أن يفرض عليها ما ستفعله في حياتها.

 

وأضافت: سعيدة بخطوبتها طول ما هي سعيدة والناس كانت فهماني غلط إن ضد جوازها ولكن انا ضد الجواز لنفسي، ولو هي عايزة تمر بالتجربة من حقها، وهي نفسها شافت تجربتين الجواز بتوعي، وهي اتخطبت وهنشوف تجربتها وهتتجوز ولا لأ، وهي بقت اجنبية لأنها بقالها 10 سنين عايشة برة مصر وبعدت عن كل الناس اللى في سنها علشان كده صعب تتجوز واحد مصري، هي وحشاني ونفسي تبقي جنبي على طول ولكن هتكسب ايه أنا خلاص سني يسمح إني أقعد في البيت.

وتعليقا على ظهور ابنتها نور عمرو دياب المكثف عبر موقع انستغرام قالت شيرين رضا: لست ضد ظهور ابنتي نور عمرو دياب علي السوشيال ميديا وأحببت ظهورها، وأتمنى تكون سعيدة وفي البداية كان حسابها خاص به 500 صديق لا أحد يعرفهم، ثم أخبرتني أنه ستقوم بتحويل نفس الحساب إلى عام ولم أكن أفهم ما الذي ستفعله، ولكنها سعيدة بما تقوم به، وهي بسيطة في حياتها ولا تحب ارتداء الماركات ولا تتباهى بحاجة، وتعمل كبلوجر.


>>> للمزيد من فـــن اضغط هنا

اضافة تعليق
مقالات متعلقة